Kinders te veel aan seks blootgestel
2010-02-27 02:27
Londen – Kinders in Brittanje word te veel aan seks blootgestel deur middel van die internet, musiekvideos, rekenaarspeletjies en tydskrifte, het binnelandse sake luidens ’n verslag gesê.
Die studie het ‘n beroep op televisiestasies gedoen om die uitsending van alle seksuele musiekvideos voor 21:00 te verban.
Dit het ook daarop aangedring dat manstydskrifte met foto’s van vrouens wat skraps geklee is, slegs aan seuns ouer as 15 verkoop mag word.
Hulle voel ook dat speletjies met ‘n ouderdomsbeperking verkoop moet word.
"Kinders en jong mense van vandag word nie net aan ‘n groter hoeveeldheid seksuele materiaal blootgestel nie. Die idee om sexy en sensueel te lyk, word ook aan hulle verkoop,” het Linda Papadopoulos, ‘n sielkundige in ‘n verslag gesê.
"Daar word baie meer druk op vandag se kinders geplaas as in die verlede.”
David Cameron, die leier van die Konserwatiewe Party, het vroeër vandeesmaand gesê hy wil seksualisering onder die jeug stop.
Die verslag het gevind dat veral meisies hierdeur geraak word en gaan gewoonlik met depressie, geweld en gesondheidsprobleme gepaard.
Seuns word ook gedruk om sterker en vreesloos voor te kom.
Frank Furedi, ‘n professor van sosiologie by die Universiteit van Kent in die suide van Engeland het gesê die probleem lê by die samelewing in geheel.
"Die samelewing in sy geheel is hiperseksueel. Seks word die algemene norm waardeur mense die wêreld van volwassenheid betree en word gedurig aan kinders gewys dat alles oor seks gaan,” het hy aan BBC radio gesê.
- Sapa-AFP