Kinders sterf toe bom van Viëtnam-oorlog ontplof

2012-12-03 11:44

Hanoi – Vier kinders is dood en vyf mense is gewond toe ‘n bom wat uit die era van die Viëtnam-oorlog dateer, in ‘n klein dorpie ontplof het.

Drie kinders tussen die ouderdom van vier en 11 is Sondag op die toneel dood en ‘n sesjarige seun het in die hospitaal aan sy beserings beswyk, het Le Van Giang, ‘n regeringsamptenaar, gesê.

Twee ander kinders, asook drie mans, is ernstig in die ontploffing beseer.

Giang sê die bom het ontplof ná die kinders wat dit ontdek het, daarmee gespeel het.

Altesaam 42 000 mense al dood as gevolg van bomme wat eers ná die oorlog in 1975 tot 'n einde gekom het, ontplof het.

– Volg Nuus24 op Twitter

- Sapa - AP