Kinderpornografie oopgevlek in Griekeland
2010-01-27 01:26
Athene - Die Griekse polisie het na bewering ‘n kinderpornografiese netwerk na ‘n drie maande landwye ondersoek oopgevlek.
Twee mense is in hegtenis geneem en geregterlike stappe sal teen agt ander mense geneem word.
Panayotis Petropoulos, 'n polisiewoordvoerder, sê die polisie het ‘n klopjag op tien huise uitgevoer en beslag gelê op duisende digitale leêrs, ‘n skootrekenaar en ‘n hele aantal CD’s wat seksueel eksplisiete beeldmateriaal van kinders bevat het.
Die polisie sê hulle het 28 internet addresse in Griekeland oopgekrap te danke aan ‘n wêreldwye ondersoek wat deur Interpol geloods is.
- Sapa