Kinderhandel-sindikaat in China oopgevlek
2011-05-12 20:04
Beijing – Veertig mense is in verband met
kinderhandel in China in hegtenis
geneem.
Lede van die sindikaat is tydens ‘n reeks
klopjagte deur meer as 200 polisiebeamptes in die ooste en suidweste van die
land vasgetrek.
Hulle word daarvan beskuldig dat hulle babas
in Yunnan, een van China se mees armoedige provinsies, gekoop het om aan
relatief welgestelde families in Fujian te verkoop.
Amptenare het 22 babas wat deur die sindikaat
verkoop is, opgespoor en is nog op soek na ander.
Volg Nuus24 op Twitter.
- Sapa - AP