Kinderboekskrywer vas vir seks met kind
2011-03-11 13:53
San Clemente – ‘n Man van San Clemente, Kalifornië, wat ‘n kinderboekskrywer is, is in hegtenis geneem nadat hy glo seks met ‘n minderjarige meisie gehad het.
Volgens Jim Amormino, ‘n polisiewoordvoerder, word Michael Snyder (43) tans aangehou totdat sy borgtog van $100 000 (sowat R690 000) betaal word.
Snyder, wat boeke soos Lemon Drop Raid, Over the Top en Swimming in Chocolate geskryf en geïllustreer het, is Woensdag in aanhouding geneem toe hy sy kinders by naskoolse aktiwiteite gaan haal het.
Die beweerde slagoffer se ma het vroeër die polisie gebel en gesê dat Snyder dalk haar dogter gemolesteer het.
Amormino sê ondersoekbeamptes vermoed dat daar nog slagoffers is.
Volg Nuus24 op Twitter.
- AP