Kêrel van meisie wat op FB dreig, doodgeskiet
2011-08-16 21:52
Philadelphia – ‘n Man van Philadelphia wie se eks-meisie op Facebook gesê het sy sal enigiemand $1000 (R7 100) betaal om hom dood te maak, is doodgeskiet.
Corey White (22) is Maandagaand in Wes-Philadelphia doodgeskiet.
Daar kon nog nie bevestig word of die moord verband hou met die Facebook-dreigement nie.
Vroeër dieselfde dag het ‘n regter in
Philadelphia egter ‘n aanklagte van sameswering tot moord teen sy eks-meisie sowel as
die 18-jarige wat op haar Facebook-inskrywing gereageer het, goedgekeur.
London Eley het in Junie op haar Facebook-blad
gesê dat sy enigiemand wat die pa van haar kind vermoor, sal betaal.
Timoty Bynum het volgens die polisie op haar
versoek gereageer en gesê hy sal dit doen.
Eley se prokureur het haar verdedig deur te sê
dat sy bloot kwaad was ná sy en haar kêrel ‘n argument gehad het.
Volg Nuus24 op Twitter.
- AP