Kaptein in hegtenis ná skeepsramp
2012-01-15 07:00
Porto Santo Stefano – Die kaptein van die Italiaanse passasierskip Costa Concordia, wat Vrydagnag naby die eiland Giglio aan die Italiaanse kus ’n rotslys getref het, is op verskeie aanklagte in hegtenis geneem.
Francesco Schettino word ondermeer daarvan beskuldig dat hy 'n skeepswrak veroorsaak het. Hy staan ook tereg op aanklag van veelvuldige manslag.
Die polisie het gesê Schettino word in 'n tronk in Grosseto aangehou en sal later deur 'n landdros ondervra word.
Sowat 3 200 passasiers en 1 000 bemanningslede is gered toe die skip van £450 miljoen (sowat R5,6 miljard) ’n skeur van 50 m aan die linkerkant van die romp opgedoen en dit ontruim moes word, het Rapport berig
Drie lyke is uit die water gehaal, maar die dodetal kan nog styg.
– Volg Nuus24 op Twitter
- Reuters