Kangaroes gebruik vir smokkelary
2009-11-24 10:13
Sydney, Australië – Dooie kangaroes word deur oer-inwoners (Aborigenes) in die noorde van Australië gebruik om dagga mee te vervoer, het die plaaslike parlement gehoor.
Alison Anderson, die voormalige minister van binnelandse sake, het gesê dagga word binne in die kangaroes se karkasse geplaas om dit sodoende verby die polisiepatrollies te kry.
Agterstrate is dikwels bestrooi met kangaroes wat deur motors doodgery word, en word deur lede van die Aborigene-gemeenskap opgetel.
“Daar is kinders so jonk as 8 jaar oud wat dagga in hul gemeenskappe gebruik.”
Volgens Anderson versteek vroue ook dagga in hul onderklere, en ry deur kontrolepunte met die wete dat die polisie nie geregtig is om vrouens te deursoek wat hulle vermoed dalk dwelms smokkel nie.
- Sapa-dpa