Kambodjaanse vrou dood ná suur-aanval

2013-01-08 10:57

Phnom Penh – ‘n Kambodjaanse vrou is dood ná 'n aanvaller twee weke gelede suur oor haar uitgegooi het, het die plaaslike media Dinsdag berig.

Die 40-jarige Yi Aun het Maandag aan haar beserings beswyk ná sy die 26ste Desember by haar huis aangeval is.

“Sowat 50% van haar liggaam het derdegraadse brandwonde opgedoen,” het Ziad Samman, ‘n amptenaar by 'n liefdadigheidsorganisasie in Kamboja wat oorlewendes van suuraanvalle behandel, gesê.

Die vrou is met die suur aangeval ná sy haar deur vir twee mans oopgemaak het. Haar 19-jarige seun is ook getref, maar het die voorval oorleef.

Die twee mans is intussen van moord aangekla.

Dit is nog nie duidelik wat die motief vir die aanval was nie.

Sewe mense is in 2012 in Kambodja met suur aangeval.

– Volg Nuus24 op Twitter
 

- Sapa-DPA