Julian Assange kry sy eie kletsprogram
2012-01-24 18:54
Londen – Julian Assange, stigter van WikiLeaks, het gesê hy gaan binnekort sy eie kletsprogram bekendstel en belowe dat daar baie omstredenheid gaan wees.
Die gaste vir die 40-jarige Australiër se program is nog nie bekendgemaak nie.
WkiLeaks het Maandag gesê die doel van die televisieprogram sal wees om "kontroversiële stemme regoor die politieke spektrum saam te trek".
Dit is ook nog nie bekend hoe die program vervaardig gaan word en op watter kanaal dit uitgesaai sal word nie.
WikiLeaks het navrae rondom die televisiereeks na Quick Roll Produksies verwys, wie se webwerf slegs twee weke gelede geskep is.
– Volg Nuus24 op Twitter.
- AP