John McAfee in Guatemala vasgetrek
2012-12-06 07:11
Guatemala-stad – Die Amerikaanse sagteware-pionier John McAfee is Woensdag in Guatemala in hegtenis geneem nadat hy die land onwettig binnegekom het, het beamptes gesê.
Die 67-jarige entrepreneur was langer as drie weke voortvlugtig totdat hy en sy 20-jarige meisie, Sam Vanegas, Maandag die grens in Guatemala oorgesteek het.
Owerhede in Belize wil McAfee ondervra oor die moord op sy Amerikaanse buurman, Gregory Faull, wie se lyk verlede maand in 'n plas bloed in sy huis op die eiland Ambergris Caye gevind is.
Faull, 52, is agter in sy kop geskiet.
Pablo Castillo, polisiewoordvoerder, het gesê McAfee kan binne ure na Belize gedeporteer word.
"Sy status is onwettig en immigrasiebeamptes sal besluit of hulle hom na sy tuisland sal deporteer."
McAfee is in hegtenis geneem ure nadat hy formeel aansoek gedoen om politieke asiel in Guatemala. Sy prokureur, Telesforo Guerra, beweer sy kliënt is 'n "slagoffer vervolging en teistering" van owerhede in Belize.
– Volg Nuus24 op Twitter
- SAPA
