Japan skenk miljoene vir opruimingswerk

2012-11-30 18:04

Tokio – Japan sal $5 miljoen (sowat R44 miljoen) aan die VSA skenk om te help met die opruim van afval wat in die see beland het as gevolg van die tsoenami wat die Japanse kus in Maart 2011 getref het.

Die departement van buitelandse sake het Vrydag dié donasie aan die Amerikaanse Nasionale Oseaniese en Atmosferiese Administrasie (NOAA) aangekondig.

‘n Reuse tsoenami wat deur ‘n aardbewing veroorsaak is, het op 11 Maart 2011 meer as 19 000 lewens geëis.

Heelwat rommel is uit beskadigde geboue die see in gesleep.

Die NOAA het gesê baie van dié rommel sal die volgende paar jaar op Amerikaanse strande uitspoel.
 
– Volg Nuus24 op Twitter

- Sapa - AP