Japan kan erger as Tsjernobil raak – kenner
2011-03-17 13:09
Tokio - Japan het 48 uur om sy groeiende kernkrisis onder beheer te bring en ‘n katastrofe “erger as Tsjernobil” te verhoed, het ‘n Franse kernkragdeskundige gesê.
“Die volgende 48 uur gaan beslissend wees. Ek is pessimisties, want sedert Sondag het ek gesien dat nie een van die oplossings werk nie,” het Thierry Charles, ‘n veiligheidsbeampte by Frankryk se Instituut vir Radiologiese beskerming en Kernkragveiligheid (IRSN), gesê.
Daar is gewaarsku dat die Fukushima-kernkragaanleg in die noordooste van Japan binnekort nog bestraling gaan vrystel omdat daar nie meer water in 'n poel vir gebruikte kernstawe by die aanleg is nie.
Die moeilikheid by die aanleg het begin nadat noodkragopwekkers vir die reaktors se verkoelingstelsels verwoes is tydens die aardbewing en daaropvolgende tsoenami wat Japan getref het.
- Kliek hier vir die volledige artikel.
- Volg Nuus24 op Twitter.