Jack Russell byt pasgebore baba dood

2012-11-21 18:00

Londen – 'n Week oue babaseuntjie is Dinsdag in 'n hospitaal in Engeland dood nadat hy deur sy familie se Jack Russell-hond gebyt is, het Sky News Woensdag berig.

Die troeteldier is intussen uitgesit.

Die polisie gaan steeds voort om die presiese omstandighede van die baba, wat as Harry Harper geïdentifiseer is, se dood te ondersoek terwyl hulle op die nadoodse verslag wag.

"Ons ondersoek duur voort, maar die baba is waarskynlik weens 'n hondebyt dood," het Neil Jamieson, ondersoekbeampte, gesê.

"'n Nadoodse ondersoek sal gedoen word om die presiese oorsaak van sy dood vas te stel, maar op hierdie stadium lyk dit na 'n tragiese ongeluk."

"Met 'n ondersoek wat tans aan die gang is sal die polisie geen verdere kommentaar kan lewer behalwe om ons innige meegevoel teenoor Harry se naasbestaandes uit te spreek nie."

Lees verder.

Volg Nuus24 op Twitter.

– Sky News