Italië stem teen swaarder straf vir homofobie
2011-07-27 17:24
Gay-regte organisasies en aktiviste het die Italiaanse parlement gekap oor ‘n besluit om strenger strawwe vir homofobie toe te pas, af te keur.
Die parlement se laer huis, waar premier Silvio Berlusconi se konserwatiewe partye ‘n meerderheidstem het, het Dinsdag besluit om ‘n wetsontwerp wat haatmisdade teen homoseksuele en transseksuele mense swaarder straf, af te keur.
Teenstaanders van die wetsontwerp hou vol gay mense moet net soos enige ander burger hanteer word.
Die menseregtewaghond, Amnesty International, het gesê die Italiaanse parlement het “’n geleentheid vermors”.
Roberto Stocc van die Arcigay-vereniging vir die regte van homoseksuele persone het Woensdag gesê die parlement het die wetsontwerp uitgegooi uit vrees dat dit die deur sou oopmaak vir nuwe wette rondom burgelike regte, soos gay huwelike.
– Volg Nuus24 op Twitter.
- Sapa - AFP