Italianers verantwoordelik vir briefbom-aanval
2011-04-01 18:25
Zürich – Italiaanse anargiste was glo verantwoordelik vir ‘n briefbom wat Donderdag by die Switserse kernenergie-vereniging ontplof het.
Twee mense is tydens dié voorval beseer.
Volgens die Switserse aanklaer, is ‘n verklaring
van die Italian Informal Anarchist Federation tussen die oorblyfsels van die
bom gevind.
Die brief is in Italiaans geskryf en dit wil
voorkom asof dit van buite Switserland af gepos is.
In die brief, word drie anargiste wat in
Switserland aangehou word, genoem.
Dié drie anargiste word aangehou in verband
met ‘n ontploffing by IBM se hoofkantoor in Zürich.
Die aanklaer voer aan dat die briefbom-aanval,
wat Donderdag in Olten in die noorde van Switserland plaasgevind het, daarop
uit was om lewens te eis.
Volg Nuus24 op Twitter.
- SAPA