Iranse pastoor staar doodsvonnis in die gesig
2011-09-29 23:24
Tehran – Die prokureur van ‘n Iranse pastoor wat tot
die dood veroordeel is vir geloofsversaking, is hoopvol dat ‘n appèlhof sy
kliënt sal vryspreek.
Prokureur Mohammad Ali Dadkhah sê hy glo daar
is ‘n “95% kans” vir die vryspreking van sy 32-jargie kliënt, Yusuf Naderkhani.
Naderkhani het Christenskap aangeneem toe hy
19 jaar oud was en later ‘n pastoor in Rasht in die noorde van Iran geword.
Hy is in 2010 van geloofsversaking aangekla en
is sedertdien aanhouding in Rasht.
Dadkhah het gesê hy het die saak voor die appèlhof
gebring en hoop dat die saak teen die einde van die week beslis sal word.
Volgens Dadkhah het die Iranse wetgewing en geestelike
leiers nog nooit op die doodsvonnis vir geloofsversaking aangedring nie.
Intussen het Duitsland Iran se top-diplomaat in
Berlyn aangespreek om hul afkeer in die teregstelling
van pastoor Yusuf Naderkhani duidelik te maak.
“Die teregstelling sal onmenslik wees, sowel as
‘n skending van menseregte,” het Angela Merkel, premier van Duitsland, se
kantoor gesê.
Volg Nuus24 op Twitter.
- Sapa - AP