Iran sê hy mag kerninspekteurs weier
2010-09-07 13:00
Teheran, Iran - Iran se kernhoof sê Teheran het die reg om sommige inspekteurs van die Verenigde Nasies te verbied om sy omstrede kernprogram te monitor.
Dít was Ali Akbar Salehi se reaksie op 'n verslag deur die Internasionale Atoomenergie-Agentskap (IEAE) wat sy kommer uitspreek oor Iran se besluit om sommige van sy inspekteurs te verbied.
Die verslag is uitgereik ná Iran se onlangse besluit om twee inspekteurs te verbied om sy kernaktiwiteit te monitor ná hulle onverklaarde kerneksperimente aangemeld het.
Iran het toe gevolglik gevra dat die agentskap die twee inspekteurs vervang.
Die Weste vermoed dat Iran se kernprogram daarop gemik is om wapens te maak.'
Iran ontken dié bewerings.
Volg Nuus24 op Twitter.
- AP