Iran: Agt dood ná myn ineenstort

2012-12-19 12:54

Tehran – Agt mense is dood nadat 'n steenkoolmyn 'n dag gelede in sentraal Iran ineengestort het, het 'n plaaslike beampte Woensdag gesê.

"Ons het dit reggekry om gisteraand [Dinsdag] vyf lyke uit te kry en drie ande lyke was vandag gevind," het Ahmad Talebian Moqadam, goewerneur van die stad Tabas gesê waar die ongeluk Dinsdagoggend gebeur het.

Volgens Talebian Moqadam het die voorval plaasgevind toe 'n tonnel in die myn ineengestort het.

"Dit het daartoe gelei dat gasse ophoop waarna daar 'n ontploffing was."  

Tabas is 555 km suidoos van die hoofstad Tehran geleë.

– Volg Nuus24 op Twitter.

- Sapa - AFP