Indonesië: Oorgewig polisie moet vetrolle afskud

2012-12-05 12:08

Tangerang – Oorgewig polisiebeamptes in Indonesë is beveel om twee keer per week oefensessies by te woon om ekstra gewig af te skud.

Enige beampte wat meer as 100 kg weeg moet die oefenprogram volg.

Die groot aantal oorgewig polisiemanne in dié land skep op die oomblik die indruk dat hulle nie die publiek sal kan beskerm nie, het ene kol. Rikwanto van die polisiemag gesê.

Sowat 400 beamptes het reeds by die program aangesluit.

Beamptes sal nie gestraf word as hulle nie gewig verloor nie, maar die beamptes word nie toegelaat om die sessies mis te loop nie.

– Volg Nuus24 op Twitter
 

- Sapa - AP