Indië gereed vir verwoestende sikloon

2012-10-31 12:51

Nieu-Delhi – Amptenare in die suide van Indië sê duisende mense is uit laagliggende gebiede ontruim ná ‘n sikloon in die Baai van Bengale gevorm het.

Die Indiese meteorologiese departement sê die sikloon het ‘n windspoed van 90 km/h en sal glo later Woensdag die kus tref.

Golwe hoer as 1,5 m word verwag, en moontlike oorstromings kan in laagliggende gebiede in die Tamil Nadu- en Andhra Pradesh-state voorkom.

Swaar reën het reeds in dié streke begin val.

Die meteorologiese department het Woensdag in ‘n verklaring gesê die sikloon kan talle wonings beskadig en bome ontwortel. Kragdrade kan ook in die slag bly.

– Volg Nuus24 op Twitter
 

- Sapa - AP