Indië: Vloede laat spoor van dood, verwoesting
2012-11-05 11:39
Hyderabad – Vloede ná swaar reën in die suide van Indië het minstens 22 lewens geëis en duisende mense die afgelope week ontwortel, het ‘n amptenaar Maandag gesê.
Die reën, wat deur ‘n sikloon veroorsaak is, het honderde dorpies oorstroom en sowat 60 000 mense gedwing om in noodvestings 'n heenkome te soek.
“Minstens 22 mense is dood en duisende het hul huise verloor. Die reën het ook die meeste van die oeste in streek beskadig,” het die amptenaar gesê.
Noodwerkers het gehelp om mense na hoogliggende gebiede te neem en sowat 100 kampe is oor die streek heen opgerig om mense wat hul huise verloor het, te akkomodeer.
“Die reënval het ons oeste beskadig en ons lande is heeltemal onder water,” het Arku Rajaipa, ‘n boer in die streek, gesê.
“Ons sal nou die hele jaar op die regering moet staat maak vir kos.”
Die regering het al sowat 100 000 kospakkies uitgedeel sedert sikloon Nilam Woensdagaand die suidkus van die land getref het.
Die meteorologiese kantoor het nog reën voorspel en mense in laagliggende gebiede is aangemoedig om na kampe te vlug.
– Volg Nuus24 op Twitter
- Sapa - AFP
