Indië: Verkragting-slagoffer sou trou
2012-12-30 08:40
Nieu-Delhi - Die meisie wat deur ses mans op 'n bus in Nieu-Delhi verkrag en aangerand is en later in 'n hospitaal in Singapoer dood is, is Sondag tydens 'n privaat seremonie veras.
Die ongeïdentifiseerde 23-jarige was die fokus van landswye betogings nadat sy twee weke gelede wreed aangerand en verkrag is.
Die begrafnis, wat op versoek van haar getraumatiseerde ouers uit die openbare oog gehou is, het in die suidwestelike Dwarka-streek plaasgevind.
Roubeklaers het die mediese student as baie gewild en talentvol beskryf.
"Ek het gekom want ek was regtig lief vir hierdie meisie. Sy was die slimste van al die meisies in ons buurt, het Meena Rai," 'n goeie vriend, gesê.
Ander mense uit die buurt het gesê die jong vrou sou met haar kêrel, wat ook in die aanval beseer is, trou.
"Sy was veronderstel om in Februarie te trou met dieselfde man wat ook in die aanval beseer is," het Meena Rai, wat langs die 23-jarige student gebly het, gesê.
– Volg Nuus24 op Twitter
- AFP
