Huiskat het H1N1
2009-11-05 11:21
Washington – Veeartse in die Amerikaanse staat van Iowa het aangekondig dat ‘n huiskat positief getoets het vir die H1N1-virus.
Dit is die eerste geval ter wêreld wat na katte versprei het.
Die 13-jarige oue manlike kat het die virus glo van sy eienaars gekry, nadat twee van die drie familielede vroeër die dodelike virus opgedoen het.
“Dit is die eerste kat van wie ons bewus is met die H1N1-virus,” het Brett Sponseller, ‘n assistent-professor van die veearts mikrobiologie gesê, wie gehelp het om die kat te behandel.
Nadat meeste van die gewone oorsake van asemhalingskwale uitgeskakel was, het veeartse na die familie geskiedenis van die huiseienaars gaan kyk, en uitgevind dat die H1N1-virus dalk die oorsaak kan wees.
Na vyf dae van toetse, is hul vrese bevestig.
“Dit is iets groot, en almal betrokke verstaan dit. Die eienaars van die kat is intussen gesond, en die kat word ekstra vloeistowwe gegee en doen tans goed,” het Sponseller gesê.
Katte is al voorheen gediagnoseer met die H5N1 virus, ook bekend as voëlgriep, maar daar word gevrees dat dit die eerste geval van die H1N1-virus by katte is.
Volgens die veeartse sal meer katte nou getoets word, om te kyk of hulle ook die virus het.
Die kateienaar wou egter anoniem bly en ook nie die kat se naam verskaf nie.
“Huiskatte wat in die huis woon, en gereeld in kontak is met hul huismense wat siek is, staan die kans om ook aangesteek te word,” het David Schmitt, ‘n veearts gesê.
“Dit is wys om hul gesondheidstoestand gereeld te monitor om seker te maak dat hulle nie enige tekens van siektes toon nie,” het hy in ‘n verklaring gesê.
Die Iowa se departement van publieke gesondheid het die publiek daaraan herinner dat mense wat die H1N1 virus het, dit nie net na mense kan versprei nie, maar ook na sekere diere.
Meer as 5 700 mense in die wêreld het reeds van die virus gesterf, sedert dit vir die eerste keer vanjaar in April ontdek is. Die meeste sterfgevalle het in Amerika voorgekom met 4 175 mense wat hier gesterf het.
- AFP