Hugo Chavez weer op sy pos ná operasie

2012-12-17 10:44

Caracas – Pres. Hugo Chavez, wat as deel van sy kankerbehandeling 'n operasie ondergaan het, is weer op sy pos, het 'n kabinetsminister Sondag uit Havana gesê.

"Van gister [Saterdag] af het die president weer met ons begin kommunikeer en instruksies gegee oor wat in die land geïmplementeer moet word," het Jorge Arreaza, minister van wetenskap en tegnologie, gesê.

Die seun se skoonseun het ook dié nuus in 'n oproep aan die staatstelevisie bevestig.

Chavez het verlede Dinsdag 'n operasie ondergaan ná sy aankondiging dat die kanker teruggekeer het.

Kanker is die eerste keer in Junie 2011 by die president gediagnoseer. Hy het tydens sy verkiesingsveldtog volgehou dat hy kankervry is ná drie operasies, chemoterapie en bestraling.

– Volg Nuus24 op Twitter

- Sapa - AFP