Houtkapper versteek glo lyke in boom
2010-11-19 14:29
Mount Vernon – ‘n Werklose houtkapper is in hegtenis geneem nadat drie lyke in vullissakke in die holte van ‘n boom gevind is, het owerhede gesê.
Na bewering het die polisie ‘n vasgebinde meisie in die verdagte se kelder gevind en daarna op haar broer, ma en ‘n ander vrou se lyke in die boom afgekom.
Die drie slagoffers en die 13-jarige meisie het meer as ‘n week gelede skielik verdwyn.
Die oorsaak van die drie oorledenes se dood is nog nie bekend nie.
Die houtkapper, Matthew Hoffman, het die polisie van die voorval in kennis gestel via sy regsverteenwoordigers. Die polisie het daarna op ‘n soektog gegaan en die lyke in ‘n woud in Ohio gevind het.
Volgens ‘n polisiewoordvoerder moes ‘n deel van die boom weggesny word om die lyke te verwyder.
Hoffman, wat voorheen ook tronkstraf uitgedien het vir brandstigting, is aangekla van ontvoering en moord.
Die 30-jarige Hoffman het reeds in die hof verskyn.
Die saak duur steeds voort.
Volg Nuus24 op Twitter.
- Sapa - AP