Hospitaal weier om vrou met MIV te behandel
2010-07-16 10:27
Beijing – ‘n Chinese hospitaal het geweier om ‘n erg beseerde vrou te behandel nadat dokters uitgevind het dat sy MIV-positief is, het die vrou se kollega Vrydag gesê.
Li Na (37) is ernstig beseer tydens ‘n rusie toe sy en haar medewerkers van ‘n konstruksiemaatskappy in die Mongolia-area vir hul maatskappy vir onbetaalde salarisse gevra het.
Volgens Wu Jibiao, Li se kollega, is sy ná die stryery hospitaal toe gestuur.
“Sy is vyf tot ses keer hard geslaan en sy het bloed gespoeg, maar toe dokters toetse doen en uitvind dat sy MIV-positief is, het hulle geweier om haar te behandel,” het hy aan AFP vertel.
“Hulle het ook nie ‘n kamer vir haar gegee nie en ons maatskappy het gesê hulle sal ons nie betaal as sy nie die hospitaal verlaat nie. Sy spoeg nou nog bloed, haar bloeddruk is baie hoog en sy kan nie loop nie.”
Volgens Wu het dokters vir Li se medewerkers gesê dat sy MIV-posifief is.
MIV/Vigs is ‘n sensitiewe kwessie in China, waar daar erg teen mense met dié siekte gediskrimineer word.
“Nou wil sy nie meer lewe nie want haar medewerkers wil nie met haar praat nie. Hulle kyk nou neer op haar,” het Wu gesê.
Volgens Wu het Li meer as tien jaar gelede MIV opgedoen toe sy haar bloed in die sentrale provinsie van Henan verkoop het.
Henan was in die 1990s deel van ‘n groot skandaal in Henan.
Mense het hul bloed aan bloedbanke verkoop, en MIV opgedoen nadat hul bloed in ‘n bak opgeneem is en weer terug in hulle ingespuit is ná die plasma daaruit onttrek is.
Volg Nuus24 op Twitter.
- Sapa - AFP