Hospitaal moet betaal ná hulle babadogtertjies omruil
2011-10-31 18:56
Moskou – ‘n Kraaminrigting is opdrag gegee om $100 000 (sowat R768 158) aan twee families uit te betaal nadat hulle twee babadogtertjies
by geboorte omgeruil het.
Die families het danksy DNS-toetse
uitgevind dat hulle 12-jarige dogters per ongeluk by geboorte omgeruil is.
Beeldmateriaal wat buite die hof in Kopeisk geneem is, wys hoe die families trane van vreugde wegvee en
mekaar omhels.
In ‘n land waar die gemiddelde maandelikse
salaris sowat $500 (R3 840) is, is dié uitbetaling nie te versmaai nie.
Die ouers het gesê hulle oorweeg dit om twee
huise langs mekaar te koop sodat die twee families in kontak kan bly.
Volg Nuus24 op Twitter.
- AP