Hongarye ook deur perdevleis-skandaal getref

2013-02-26 17:45

Boedapest – Die Europese perdevleis-skandaal het Hongarye Dinsdag getref ná ‘n aankondiging deur die land se voedselveiligheidsbeamptes dat perdevleis in pakkies “beesvleis”-lasagne gevind is.

“Beesvleis-lasagne wat perdevleis bevat is in Hongarye gevind,” het Gyorgy Pleva, direkteur van Hongarye se National Food Chain Security Office, laat Maandag in ‘n verklaring aan die nuusagentskap MTI gesê.

Dié voorval is die eerste onverklaarde perdevleis wat in Hongarye gevind is sedert die skandaal in Januarie begin het toe DNS van perde in beesburgers in Brittanje en Ierland gevind is.

Sedertdien het supermarkte oor die kontinent voorbereide etes van hul rakke gehaal.

Die lasagne is deur die Deense maatskappy Nowaco na Hongarye ingevoer en is deur die maatskappy Tavola, wat in Luxemburg gebaseer is, vervaardig.

Tavola is ‘n filiaal van Comigel, die Franse maatskappy wat gevriesde lasagne wat tot 100% perdevleis bevat het aan Britse supermarkte verskaf het.

– Volg Nuus24 op Twitter
 

- Sapa - AFP