Hondevleis-fees in China verban
2011-09-21 18:30
Beijing – ‘n Tradisionele karnaval in die ooste van
China waar honde in die openbaar geslag word, waarna feesgangers aan verskeie
honde-disse smul, is deur die Chinese regering verban.
Dié karnaval het wêreldwyd kritiek uitgelok en
die Chinese regering het besluit om die praktyk vanjaar stop te sit.
Dit is ‘n tradisionele fees wat in Oktobermaand in die Zhejian
provinsie plaasvind en sowat 600 jaar gelede begin is om ‘n plaaslike militêre
oorwinning te vier.
“Die fees is in die 1980’s omskep in ‘n gewone
handelsfees, maar die tradisionele voorsit van honde-geregte het behoue gebly,”
het die amptelike Xinhau-nuusagentskap berig.
“Die kosstalletjies het egter begin om die
honde in die openbaar te slag om te wys dat die hondevleis wat hulle gebruik,
vars en veilig is.”
Foto’s van die fees het via die internet
versprei en so ‘n impak gemaak dat die regering gehoor gegee het aan besware en
die fees verban het.
Volg Nuus24 op Twitter.
- Reuters
