Hollander by Rio-karnaval geskiet
2010-02-14 11:17
Rio De Janeiro – ‘n Hollandse toeris (37) is in ‘n hospitaal in Rio de Janeiro nadat hy twee keer deur ‘n rower geskiet is wat hom en sy vrou tydens die stad se karnaval-vieringe aangeval het, het die polisie gesê.
“Dit is die ergste misdaad wat ons al teenoor ‘n toeris gehad het hierdie jaar en ons is baie bekommerd daaroor,” het Gilbert Stivanello, die hoof van die spesiale toerisme polisie-eenheid wat die saak hanteer, gesê.
Die Hollander, geïdentifiseer as Alexander Kors Johannes Vervoort, is Vrydag in die maag en arm geskiet. Hy is by sy volle bewussyn, maar is steeds in die intensiewe sorg-eenheid.
Die misdaad het gebeur toe Vervoort en sy vrou, Ella Vervoort Ferwerda (37), alleen na die bo-punt van die heuwel geloop waarop die bekende Christus-standbeeld staan. Die gewilde toeriste-aantreklikheid lok jaarliks 1.8 miljoen besoekers.
Sy vrou is met ‘n pistol teen haar kop geslaan, maar is nie ernstig beseer nie.
Die rower is beskryf as ‘n baie jong en klein man. Hy het van die toneel af weggehardloop en die kamera, beursie, rugsak en handsak agter gelaat wat hy probeer steel het.
Rio se karnaval van vier dae het Saterdag afgeskop met ‘n rits bekendes wat in die dorp was om die vieringe te besigtig.
- AFP