Hof beslis oor Concordia-kaptein se huisarres

2012-04-10 18:02

Rome – Italië se appèlhof het Dinsdag begin met 'n verhoor in verband met die huisarres-bevel wat teen die kaptein van die Costa Concordia, wat in Januarie gesink het, uitgereik is.

Daar word verwag dat die hof, wat in Rome gebasseer is, Woensdag sy besluit bekend sal maak.

Kapt. Francesco Schettino is op 14 Januarie in aanhouding geneem, 'n dag nadat die Costa Concordia rotse getref en in ‘n marine-natuurreservaat op die kus van die eiland Giglio gestrand geraak het.

Dertig mense is weens die ramp dood, met twee wat steeds vermis word.

Schettino staan tereg op aanklagte van manslag en die verlating van sy skip.

Prokureurs wat Schettino verteenwoordig wil hê sy huisarres moet gelig word hangende die uitkoms van 'n ondersoek oor die sinking van die skip.

Staatsaanklaers het aangevoer dat Schettino in die tronk aangehou moet word en nie onder huisarres nie.

Volgens staatsaanklaers kan die kaptein dalk vlug of met die bewyse van die saak inmeng.

– Volg Nuus24 op Twitter.

- Sapa-DPA