Hillary Clinton terug op haar pos

2013-01-07 08:43

Washington – Hillary Clinton, die Amerikaanse minister van buitelandse sake, sal Maandag weer terug op haar pos wees ná sy 'n maand lank buite aksie was weens 'n rits gesondheidsprobleme, insluitend 'n bloedklont in haar kop.

Clinton is verlede week in New York in 'n hospitaal opgeneem ná dokters 'n bloedklont in haar kop ontdek het. Dit volg ná sy harsingskudding opgedoen het toe sy flou geword het omdat sy 'n maagvirus opgedoen het.

'n Skedule van die departement van buitelandse sake toon dat Clinton Maandag om 09:15 met medewerkers in Washington sal vergader. Die vergadering sal nie vir die media oopgestel wees nie.

'n Rits ander sessies word beplan vir die res van die week, insluitend 'n vergadering Dinsdag by die Withuis met die minister van verdediging, Leon Panetta.

Clinton sal ook Donderdag met Hamid Karzai, die president van Afganistan, vergader as deel van sy besoek aan die land.

– Volg Nuus24 op Twitter.

- Sapa - AFP