Helikoptervlieënier een van Engeland se mees ervare

2013-01-17 10:19

Londen – Die vlieënier van ‘n helikopter wat in Londen se middestad neergestort het, was een van die land se mees ervare vlieëniers, berig Sky News.

Hy het ook in films soos Die Another Day en Saving Private Ryan gevlieg.

Pete Barnes is dood toe die Agusta Westland 109 Power waarin hy gevlieg het Woensdag ‘n hyskraan op ‘n hoë gebou in Vauxhall getref en neergestort het.

Barnes het 12 000 ure se vliegtyd agter sy naam gehad, insluitend 3 500 ure in Agusta-helikopters.

Tydens sy loopbaan van 18 jaar as ‘n vlieënier het die 50-jarige lugambulanse gevlieg en ook as ‘n vlieënier op advertensies en rolprente gewerk.

Hy het as vryskut-vlieënier vir die maatskappy Rotormotion gewerk, wie se kliënte die prins van Wallis, die premier David Cameron, die voormalige premier Tony Blair en die Dalai Lama insluit.

– Lees meer by Sky News

– Volg Nuus24 op Twitter