Helfte van Israel teen homoseksuele
2009-08-06 10:26
Jerusalem - Amper die helfte van Israel se populasie sien homoseksualiteit as ‘n afwyking, volgens ‘n peiling wat Donderdag vrygestel is. Dit kom net vyf dae na ‘n aanval op ‘n homoseksuele in Tel Aviv, waartydens twee mense dood is en 15 beseer is.
Sowat 46% van die 498 mense wat aan die peiling deel geneem het, het ja geantwoord op die vraag, ‘dink jy homoseksualiteit is ‘n perversie’.
Volgens die koerant, Haaretz, het 71% van ultra-ortodokse Jode ja geantwoord op die vraag en 64% van Arabiese Israelies ook.
Volgens Camil Fuchs, wat die peiling gedoen het, wys die resultate op ‘n effense afname in homofobie in Israel maar kan die resultate ook aan Saterdag se aanval gekoppel wees.
"Dit is moontlik dat mense tot die trauma van die aanval reageer en mense wat teen homoseksualiteit is nie dink dit is nou die regte tyd om dit te erken nie”, het Fuchs gesê.
Volgens homoseksuele in Israel beleef hulle baie vyandige gedrag van ultra-ortodokse Jode, wat homoseksualiteit as ‘verafskuwelik’ sien, alhoewel Israel ‘n verbod op homoseksualiteit in 1988 al gelig het.
-Sapa