'Hannibal Lecter' kry 30 jaar tronkstraf
2010-06-25 05:20
Kaapstad - Die Franse gevangene wat sy selmaat doodgemaak het en 'n deel van sy long geëet het, is Donderdag tot 30 jaar tronkstraf gevonnis.
Nicolas Cocaign het erken dat hy in Januarie 2007 vir Thierry Baudry met 'n skêr gesteek het en hom toe met 'n vullissak versmoor het.
Hy het Baudry se bors toe met 'n skêr oopgesny, sy long verwyder en 'n deel daarvan rou geëet, voor hy die res saam met uie gaargemaak het en ook verslind het.
Cocaign sal ten minste 20 jaar van sy vonnis moet uitdien.
Hy het in 1998 psigiatriese hulp gevra en in 2006 dat hy in afsondering geplaas moet word.
- Reuters
- Volg Nuus24 op Twitter.