Hande, voete óók by Hollywood-bord gevind
2012-01-19 17:55
Los Angeles – Twee hande en twee voete is Woensdag naby die Hollywood-bord in Los Angeles, Kalifornië, gevind.
Die gru-vonds kom nadat ‘n afgekapte kop die vorige dag ook naby die befaamde bord gevind is.
Twee mense wat met hul honde gaan stap het, het op die kop onder die bord afgekom, het Los Angeles Times berig.
Die honde het Dinsdagmiddag met ‘n plastieksak begin speel wat hulle in die bosse gevind het, het die dagblad berig. ‘n Kop het toe by die sak uitgerol.
Huffington Post berig die polisie is op soek na nog liggaamsdele.
Owerhede sê die kop is van ‘n man in sy 40’s, 50’s of 60’s. Die polisie vermoed dat al die liggaamdele aan dieselfde persoon behoort.
Lees meer hier
Volg Nuus24 op Twitter