Hamas loods vuurpyl-aanval in Gasa
2011-03-19 23:15
Jerusalem - Palestynse strydlustiges in die Gasastrook het Saterdag meer as 50 vuurpyle afgevuur na Israel in die hewigste aanval sedert die afgelope twee jaar.
'n Hamas-militant is dood en vier burgerlikes beseer toe Israel met lugaanvalle teruggevuur het, het 'n woordvoerder vir Gasa se gesondheidsdepartement, Adham Abu Salmia, bevestig.
Israel se minister van buitelandse sake, Avigdor Lieberman, het gesê hy sal 'n klag by die Verenigde Nasies indien na Saterdag se hewige aanval.
'n Woordvoerder vir die Israelse polisie, Tamir Avtabi, het gesê militante groepe het 54 mortierbomme binne 15 minute na grensgemeenskappe in Israel gevuur.
Hamas het verantwoordelikheid vir sommige van die aanvalle aanvaar en gesê dit was 'n reaksie op Israel se onlangse lugaanvalle
Volg Nuus24 op Twitter.
- AP