Haïti koop 55 000 tente, maar kort baie meer
2010-02-24 14:06
Port-Au-Prince – Haïti het vandeesweek 50 000 tente van China gekoop, maar benodig nog 150 000 tente om mense wat weens die aardbewings dakloos gelaat is, te huisves, het Rene Preval, die land se minister van buitelandse sake, gesê.
"Ons het 50 000 tente vir $5 miljoen (R38 miljoen) van China gekoop. Hulle sal vandeesweek hier aankom,” het Preval Dinsdag gedurende ‘n perskonferensie gesê.
Die tente is nodig voor Haïti in April deur die reënseisoen getref word.
Die minister het gesê sowat 900 000 van die 1,2 miljoen mense wat dakloos gelaat is, het steeds skuiling nodig.
Hy het daarom die internasionale gemeenskap vir 20 000 tente gevra.
Die geld vir die Chinese tente sal van die $163 mijoen (R1,2 miljard) kom wat deur Venezuela gedurende die PetroCaribe-ooreenkoms gegee is.
Sowat $11 miljoen (R77 miljoen) van die fonds is reeds bestee.
Die Verenigde Nasies (VN) het Dinsdag aangekondig dat Haïti se dodetal op 222 500 staan.
-Sapa-AFP