Haïti: Bejaardes leef op een maaltyd ‘n dag
2010-02-11 18:02
Port-Au-Prince- Bejaardes in Haïti wat in tente kamp nadat hul verpleegsterswoning ineengestort het, lewe op een maaltyd per dag wat bestaan uit rys en gedroogde boontjies.
Die voedsel is deur die Amerikaanse vlootbasis geskenk, maar die bejaardes weet nie wat hulle gaan doen as dit binne die volgende twee dae moet opraak nie.
Daar is steeds duisende ander slagoffers van die aardbewing wat angstig om hulp wag sowat vier weke nadat die wêreld voedsel en geld aan die land geskenk het.
Die Verenigde Nasies het in hul laaste verslag gesê dat hulle genoeg rys vesrprei het om 1.1 miljoen hawelose mense vir twee weke te voed. Maar daar is egter drie miljoen wat voedsel benodig.
Die bejaardes wat eers in vullis rondom muise geslaap het, word tans in tente gehuisves, elkeen met sy eie bed.
Ses pensioenarisse het in die aardbewing gesterf, terwyl nog drie binne nege dae gesterf het weens hongersnood en uitputting.
- Sapa-AP