Gyselaarsdrama by Discovery-hoofkwartiere
2010-09-01 21:14
Washington – ‘n Man wat na verwagting gewapen is het Woensdag minstens een persoon gyselaar geneem by die hoofkwartiere van die Discovery Channel in Silver Spring, Maryland, het polisie gesê.
Die polisie het rondom 13:00 ‘n oproep ontvang dat ‘n man met ‘n vuurwapen en moontlik ook plofstof in die gebou is, het polisie-woordvoerder Angela Cruz gesê.
Die oproep het van One Discovery Place gekom waar die kanaal se hoofkwartiere is.
Die area is ontruim, het Cruz gesê.
Die man is as James Lee geïdentifiseer, het wetgewers aan CNN gesê.
Volgens kapt. Paul Starks het polisie in verbinding met die gewapende man getree en hy het glo sekere vereistes gemaak.
Die verdagte het glo “bekommernisse” oor die Discovery-korporasie, het Starks gesê.
Volgens CNN se affiliaat WJLA was daar ‘n ambulans op die toneel en ‘n draagbaar is by die voorportaal van die gebou ingeneem.
Lorie Rorae, ‘n werkgewer, het vertel dat hulle deur sekuriteit aangesê is om die gebou te verlaat.
Volgens Rorae het ‘n sekuriteitsbeampte gesê dat twee kollegas gyselaar gehou word.
Vir meer hieroor, besoek CNN
Volg Nuus24 op Twitter