Gyselaarsdrama: Kaper geskiet

2010-08-23 15:04

Rolando Mendoza etlike ure voor hy deur die polisie doodgeskiet is. (Twitpic)

Manila –  Die bloedige gyselaarsdrama wat die afgelope 10 ure in die Filippynse hoofstad Manila afgespeel het, is uiteindelik verby.

Rolando Mendoza (55), 'n voormalige polisieman, het 'n bus vol Chinese toeriste van Hongkong met 'n M16-masjiengeweer aangehou.

Twaalf gyselaars het hul lewens vermoedelik tydens die 10-ure nagmerrie verloor.

Minstens drie mense egter oorleef en is gesien waar hulle uit die bus geklim het.

Mendoza is in 'n skietgeveg met die polisie gedood.

Die voormalige senior inspekteur wou sy werk in die polisiemag terughê.

Volg Nuus24 op Twitter.

Gee jou mening oor hierdie gesprek - lewer hieronder kommentaar