Gyselaars in Sirië vrygelaat

2013-02-04 13:59

Moskou – Siriese ekstremiste het 'n Italiaanse en twee Russiese gyselaars vrygelaat wat op 12 Desember gevange geneem is, het Rusland se departement van buitelandse sake gesê.

Die gyselaars is glo vrygelaat in ruil vir militante wat vroeër aangekeer is.

Die twee Russe is reeds by hulle ambassade in Damaskus terwyl die Italianer later deur die Siriese departement van buitelandse sake aan amptenare van sy land oorhandig sal word.

“Die Russiese burgers VV Gorelov en A Khassun, wat as gyselaars aangehou is deur Siriese ekstremiste, is op 3 Februarie in ruil vir militante vrygelaat,” het ‘n verklaring van Rusland gelui.

Rusland het volgens die verklaring intensief met Siriese regeringsverteenwoordigers onderhandel om die vrylating van die gyselaars te verseker.

– Volg Nuus24 op Twitter

- Sapa - AFP