Groot skade ná sikloon Tomas
2010-03-17 09:12
Suva, Fidji – Fidji het merkwaardige skade gely nadat ‘n kragtige sikloon vir meer as drie dae in die eilande gewoed het, het die eerste minister Woensdag gesê terwyl reddingsoperasies in die land se noordelike dele geloods is.
Fidji het vloot-patrolliebote met voorrade en ondersteuningspersoneel na die noord-eilande gestuur, terwyl Australië en Nieu-Seeland per vliegtuig begin het om nood-voorrade na die eiland te neem.
Slegs een sterfte is aangemeld, maar die volle omvang van die skade is nog nie bereken nie, aangesien kommunikasie met die dele wat die ergste geraak is al vir dae afgesny is.
“Dit is duidelik dat oorweldigende skade aangerig is oral waar sikloon Tomas getref het,” het Frank Bainimarama, Fidji se eerste minister en millitêre hoof Woensdag gesê.
Sikloon Tomas het Vrydag begin om Fidji met winde van tussen 205km/h en 280km/h te tref.
Krag, water, riool en kommunikasie is steeds onderbreek in baie dele in die noorde, maar ‘n sentrale lughawe by Labasa in noord Vanua Levu het heropen vir vlugte wat nood-voorrade voorsien.
- Sapa-AP