Groot kangaroe val vrou in Aus aan

2011-10-19 12:12

Perth – ‘n Australiese vrou sê sy was byna dood toe ‘n groot kangaroe haar aangeval het terwyl sy saam met haar honde gaan stap het.

Janet Karson van Deanmill het aan die koerant The West Australian gesê sy het met haar honde gaan stap toe die kangaroe verskyn het. Dié dorp is in die suidweste van Australië geleë.

Karson sê een van haar honde het die dier gejaag en die kangaroe het haar troeteldier begin aanval. Sy sê die voorval het Saterdag gebeur.

Sy sê die kangaroe het haar begin aanval toe sy haar hond probeer help het.

Karson het snywonder aan haar nek, ore en rug opgedoen en moes 20 steke op haar ore kry.

Volg Nuus24 op Twitter

- Sapa - AP