Griep hou Thatcher steeds in hospitaal

2010-10-27 07:30

Londen. – Die voormalige Britse premier, Margaret Thatcher, gaan nog ’n paar dae in die hospitaal moet aansterk nadat sy vroeër griep opgedoen het.

Thatcher (85) is in die Cromwell- private hospitaal in Londen opgeneem nadat sy nie van dié griepaanval kon herstel nie.

Haar woordvoerder het die naweek gesê sy sou gister vir ’n laaste mediese ondersoek gaan en voor die komende naweek ontslaan word. Dinsdag het hy gesê sy maak goei­e vordering, maar daar word nie verwag sy sal binne die volgende paar dae ontslaan kan word nie.

Thatcher, gedoop die Ystervrou, was die land se eerste vroulike leier van 1979 tot 1990. 

Volg Nuus24 op Twitter

- Sapa-DPA