Griekse museum ontbloot antieke seks
2009-12-10 07:22
Athene. – Seks, liefde en wellus onder die antieke wêreld se gode, heersers en gewone mense is die fokus van ’n nuwe uitstalling in die Griekse hoofstad dié maand.
Lampe met falliese vorms, liefdesbriewe op klei gegraveer en gelukbringers van tussen 7 v.C. en 4 n.C. is maar net ’n fraksie van wat besoekers sal sien by ’n uitstalling opgedra aan die Griekse en later Romeinse god van liefde.
Eros: Van Hesiod se Teogonie tot die laat-Oudheid duur van vandag tot April 2010 by die Sikladiese kunsmuseum. Dit bestaan uit 280 artefakte van 50 museum in Griekeland,Siprus, Italië en Frankryk, insluitende die Louvre.
Die uitstalling gee ’n oorsig van die veranderende persepsies van Eros (vir die Romeine as Kupido bekend) van die agtste eeue v.C., toe hy as ’n invloedryke god van die Romeinse tydperk beskou is, tot die Romeinse tydperk, toe hy minder sterk en bloot ’n metgesel vir Venus geword het.
Die uitstalling se organiseerders sê besoekers moet let op die moderne tyd se opvatting van ordentlikheid wanneer hulle inkom, want die antieke mense het baie min bedenkinge oor erotiese kuns gehad.
“In antieke Griekeland kon ’n mens ’n sekstoneel op ’n openbare of private gebou se dakkam sien – mense was glad nie preuts nie,” sê prof. Nicholas Stampolidis, direkteur van die Sikladiese kunsmuseum. “Maar deesdae is daar yslike skynheiligheid, ’n onverklaarbare puritanisme.” –
- Die Burger