Gevangenes ontsnap toe pop as wag gebruik word
2010-07-22 15:15
Neuquén, Argentinië – Twee gevangenes het uit ‘n tronk in Argentinië ontsnap nadat sekuriteitswagte ‘n pop met ‘n sokkerbal vir ‘n kop in die wagtoring geplaas het as gevolg van ‘n tekort aan wagte.
Die twee mans, Walter Pozo en Cesar Andres, het oor ‘n draadheining gespring en toe oor die muur gespring, sonder om deur die oorblywende sekuriteitswagte raakgesien te word.
Volgens werknemers by die tronk beteken ‘n tekort aan werkers dat hulle slegs twee uit 15 van die wagtorings kan beman en dus het hulle besluit om ‘iemand’ te kry om in te staan.
Die videokameras wat die grensmuur monitor het maande gelede opgehou werk en daar word gehoop dat die voorval daartoe sal lei dat hulpbronne en politici sal optree om die kondisies te verbeter.
Lees meer by die Telegraph
Volg Nuus24 op Twitter