Gevangene in geheime tronk verkrag
2009-12-11 10:59
Beijing - Geheime tronke in China het Vrydag weer in die soeklig geval toe 'n bewaarder agt jaar tronkstraf opgelê is vir verkragting van 'n gevangene.
Die 26-jarige Xu Jian is deur die Fengtai-distrikshof gevonnis en gesê om skadevergoeding van 2300 yuan (sowat R2500) aan die slagoffer te betaal.
Die 21-jarige vrou het in Augustus na Beijing gekom om die regering te vra vir hulp met 'n dispuut, maar soos baie ander is sy in 'n onwettige aanhoudingsentrum gedwing.
Menseregtegroepe sê provinsiale beamptes ondersteun geheime tronke omdat "hulle vrees dat klagtes aan hoë owerhede hulle in die moeilikheid kan bring".
Op die vrou se eerste aand in dié tronk, in die stoorkamer van 'n hotel, het die wag homself op die boonste bank forseer, haar verkrag en gevlug.
Die regering ontken egter dat dié tronke bestaan.
Die slagoffer se oom, Li, het gesê die familie is ongelukkig met die vonnis en het reeds duisende rande spandeer om oor en weer na Beijing te reis.
Ná die verkragting het die vrou en 50 ander gevangenes ontsnap.
– Sapa-AP