Gestremdes se regte nog daagliks geskend
2011-12-03 15:00
Kaapstad – Die internasionale dag vir gestremde persone word op Saterdag, 3 Desember gedenk. Volgens die Verenigde Nasies (VN) ervaar talle mense met gestremdhede steeds armoede en agteruitgang.
Die sekretaris-generaal van die VN, Ban Ki-Moon, sê in sommige lande is die indiensneming van gestremdes laer as 'n derde van die bevolking.
Hy sê hulle het ook menigmaal nie toegang tot behoorlike gesondheidsorg nie.
In Suid-Afrika, ondanks 'n merkbare vooruitgang in sommige gebiede, soos die toekenning van maandelikse toelae, is daar volgens berigte steeds grootskaalse diskriminasie en regte-skendings.
'n Aantal aktiwiteite sal vandag regdeur die land aangebied word om die dag te gedenk.
Die Gautengse premier, Nomvula Mokonyane, asook die burgemeester van Tshwane, Kgosientsho Ramokgopa sal die provinsie se amptelike geleentheid in Pretoria bywoon.
Volg Nuus24 op Twitter.
– RSG